From the desk of a physician

As I end my day at the clinic, going thru my cases, 

Similar complaints, similar conditions , only unfamiliar faces!

Vitamin deficiencies, and different anemias, headaches, Sore throats and thalassemias,

Hypertension, diabetes , metabolic syndrome,

Gout, peptic ulcers and fevers unknown! 

Superficial diseases with scarred souls, 

Sometimes I explore the histories untold.

Mother hides her breast lump from the pregnant daughter, 

Febrile son puts up a smiling face when visiting with bankrupt father.

Non compliance with antihypertensives, as there was no money to refill.

Absence of loving and caring partner, keeps the patient ill.

Stress, anxiety, depression colour a medical condition,

High blood pressure , high sugars show up in investigation. 

I treat the condition but the root remains untouched, 

The body gets treated but the soul could never get cured.

Break ups, bankruptcy, insecurity and exhaustion, 

Are the diagnosis that my harrison doesnt mention.

I wish I could wipe away the scars that cant be seen,

A few pills of happiness to treat everything!!! 😀😀😀

Dr. Sneha Shanbhag

MD Internal medicine

Meri bhi toh suno!

Admit hua that mein KLE mein,
jaan leke apni thaili mein,
mera liver shayad hua that kharab,
jiska karan tha meri pyari sharab.
badh gaya that pet mera, pad gaya that main peela,
phenk doonga sharab bhagwan, bus is bar jeevan daan dila.

kyoya tha yunhi main apne khayyalon mein,
ki prakat hui wahan ek padhaku doctoron ki toli.
chashmein chadhae, sthets latkaye,
soortein sabki thi bholi.
meri taraf ishara karke, bole 'dekho woh hai exam case'
meri aur badhne ke liye sabhi ne lagayi runnin race.
gher liya that mujhe bees ashcharya chakit chehron ne,
doob rahi thi meri jeevan naiyya, jaan leva lehron mein.
chalis ankhein ghoor rahi thi mujhe jaise ki tha mein kisi doosre lok se,
utarne pade mujhe apne kapde, main mar raha tha sankoch se.
phir toota mujhpar aisa sawalon ka pahad,
history taking ke naam par, gade murde rahe the ukhad.
ghusa diye mere pet mein unhone teen hath,
koi janch raha tha nakhoon mere, koi janch raha tha daat.
meri chati par rakhe the 6 stethescope,
main khud mana raha tha meri is sthiti par shok.
dard uth raha tha pet mein bada zor,
mera pet channane ke liye sabhi macha rahe the shor.
muh se saans lenese ab lag rahi thi dhaanp,
pet ko hath lagane se hi mera rom rom raha tha kaap.

meri sehen shakti ki ho gayi seema par,
maine bhi dharan kar liya narasimha avtaar.
chillaya main unpar aise, dar gaye sab sab,
dotori padhte padte shayad bhool gaye insaniyat ka masahab.
maafi maang kar jab chale ja rahe the, non co operative patient ka nara laga rahe the.
unke jane ke baad, maine chain ki saans payi,
takiye par let kar muskurakar apni khushi jatayi.
meri aankh lagne ke khuchi ghante baad,
sunayi di ward mein ek nayi awaz.
' us cirrhosis ke patient ka case presentation hai aaj'
mujhe phirse ghere khadi thi eknayi doctoron ki toli,
jee kar raha tha gadh doon har ek ke seene mein ek ek goli!!!!!!!!!!!
_________________

VISHWAS

Admit hue the Vishnu acute G.E. ke saath,

Lagatar thi ultilyaan, bure the haalat,

I.V. Fluids anur Antibiotics se, kum nahi hui mushkil,

Agle din dekha toh, urine output that NIL!

Unka face tha flushed aur breathing tha acidotic,

Sabhi the signs of Uremia,

Acute gastroenteritis with acute reanl failure

secondary to hypovolemia!

Zameen pe neeche baithe the unke budhe pitaji,

Ghoonghat odh ke paas baithi thi unki garbhavati patni.

Maine samjhaya unke pita ko ki khatre mein thi Vishnu ki jaan,

Dialysis karwana hi tha ab, dawaiyon se na banta kaam.

Samay bas beet raha tha, aur upar se paison ki kami,

Woh buzurg bechare baithe the aur ro rahi thi patni,

Ab dikhne laga tha mujhe wahan maut ka woh saaya,

Dialysis ka appointment maine pehle hi karwaya

.

Chillayi main unpar “nahi hai bete ki parwah?

Kisi bhi tarah shaam tak paise ka bandobast karwana,

Waqt jaise guzar raha hai, kum ho raha hai kidney ka function,

Mortality meeting mein mujhe karna padega presentation!

Explain nahi kar paungi main ek treatable cause ki death,

Kisi bhi tarah paise lana nahi toh iska marna hi set!”

“Thik hoga na mera beta, dialysis ke baad?,

Meri budhe shareer ne chod di hai mann ki saath,

Aap hi hain bhagwan mere, lagaya hai maine aap ka dhyas,

Bachlengi aap mero bete ko, aisa poora hai mera vishwas!”

3 Dialysis ke baad aaj khade the vishnu apne pairon par,

Maine apne sign ki, unka discharge card likh kar

Patni ne beche the gehene aur pita ne becha tha ghar ka saaman,

Aur mere pair pad rahe the teenon, mankar mujhe apna bhagwan,

Teenon ne jab mere saamne jode the haath,

Mere mann ko kha rahi thi ab ek hi baat,

Main khak bachati hoon kisiki jaan,

Mujhe toh bas pyara tha apna maan!

Jeevan ki dhor toh thi uparwale ke haath,

Waqt aane par lega woh usko kaat,

Doctor nahi hota koi bhagwan,

Woh bhi hai seedha sada galti karne wala insaan!

LABOUR ROOM

Cheekti cillati ek mahila ne, mari labour room mein entry,

4 delivaries karke raat bhar, hum abhi abhi hue the free.

Ghadi mein ab baj rahe the, subah ke che,

Kul milakar hum teenon, bus 2-2 ghante soye the.

Colleague bola ‘let she not be dilated , oh dear lord!!,

We badly want to send her back to the ward.’

Doosri karne lagi p.v. pehen kar gown,

‘congrats friends, she is full, no time to frown!’

30yrs ki anuradha, G3P2, ANC thi regular,

no complications lekar history, rakh diya maine paper.

‘zor do’ ke naare lagaye humne, ab tha 2^nd stage of labour,

‘bearing down’ accha nahi tha uska, lagaya mere friend ne fundal pressure.

Humne hi zor lagaya aur ki uski delivery,

Labour room mein aayi, 2.5kg ki nanhi pari!

Cord clamp aur cut karke, humne rakha baby ko heater ke paas,

Acchi cry thi uski aur le rahi thi woh khul ke saans.

Uski moti thi aankhein, gulabi the gaal aur kaan,

Chotisi uski unguliyan dekhkar, mitgayi hamari thakan.

‘Ladki hui ya ladka?’ andarse anuradha chillayi,

main boli ‘ bacchi hui hai, tumhari chabi hai payi’

yeh baat sunkar, dukhi hokar, anuradha lagi rone,

bacchi ko dekar sister ke haat, gher liya usse hum teenon ne.

woh boli ‘ladka hone ki aas se, maine liya yeh teesra chance,

phir se ladki hui mere ghar, tooti har iccha, har aas’.

Hum bole ‘ ladka ladki mein phark mat karo,

Bacche toh hai prabhu ka vardan,

Teenon ladkiyonko, padhana-likhana,

Banana unhein accha insaan.’

‘Agar ladka hota’ boli woh , ‘aage chalata khandan ka naam,

dahej dekar bhejna padega teenon ko, nahi aayegi kisike kaam.’

‘arre hum bhi toh hain ladkiyan’ hum bole,

‘beti ban paida hui kisike ghar,

doctor banke humnein,

oonch kiya apne ma baap ka sar’

bacchi ko ab rakha humnein anuradha ke haaton mein,

bhooki thi woh, bhool gaye hum use apni baton mein.

Use dekh anuradha muskurayi, apne aansoon pochkar,

Doodh dene lagi use, apne seene se lagakar.

Tabhi humnein kiya usse tubectomy ka zikar,

Ghusse se dekha usne hamari aur, pher li apne nazar.

Khatam hui thi duty hamari, ja rahe the hum bahar,

Labour room ke saare cases, agle interns ko sonpkar.

Meri books aur meri bag leke, jab main ja rahi thi,

Ek baat mere mann ko ab noch ke kha rahi thi.

Doctor banane ka jhoota dilasa kise de rahe the hum,

Do waqt ki roti milna, jinke naseeb mein tha kam.

Main toh thi acche gharse, nahi hui mujhe paison ki kami,

apni tulna kar rahi thi un bacchon se, jala rahi thi jinhe bhook ki garmi.

Aur har bacchi ke saath paida hua woh , dahej ka rakshas,

Zeher gholta uss parivaar mein, daba raha tha unki har nass.

Aayegi zaroor agle saal anuradha, jab hogi woh chauti baar pet se,

Phirse ladka hone ki aas lagaye, apne due date se.

Kaise ro sakti koi ma, dekhkar apne haaton mein apni nanhi jaan,

Jabki who khud ek aurat hai, prapt hai sirf usko jeevan dene ka vardan.

Ek stree hone par hai mujhe garv, nahi mahsoon ki maine koi lachari,

Lekin sacchi khushi toh tab hogi, jab mitjayegi ‘SEXUAL DISCRIMINATION’ ki yeh bimari!!!!

My confession :)

Paediatric ward mein main baithi thi khoyi,

Raat bhar ki night duty mein ek palak bhi na soyi,

Aur subah khayi hod sir se aisi daant,

Sare staff ke samne lagadi unhone meri waat!

Ghusse se jal rahi thi main sunkar hod sir ka naam,

Naye interns se expect karte hain pg wala kaam.

Kaash main banyi iss hospital ki dean,

Poore hospital ke saamne deti sir ko firing

Aur likhkar unka resignation letter,

Seedha bhejti unko apne ghar par.

Lag rahi thi ab mujhe bhook badi zor,

Pet mein chuhe kauve macha rahe the shor.

Ghadi main baj rahe the dopahar ke do,

Mann ne kaha canteen mein pet pooja kar lo.

Lekin hilna wahan se mushkil tha,

Ho sakta tha sir ka aftern round,

Har aahat mein sunayi de raha tha unhi ke jooton ka sound.

Ab phir se sunayi di jooton ki aahat,

Sunn ho gaya dimag, tez hui dhadkan.

Mudkar dekha toh khadi thi wahan ek gudiya,

Pedo ward ki favorite patient, chotisi priya!!

Daudti hasti priya, mere paas aayi,

Boli ‘did maine yeh drawing banayi’

Chotese ghar ke paas bane the do bade phool,

Uski tariff karte karte main hod ko gayi bhool.

Phir boli priya ‘main banoongi ek din doctor,

Injection doongi sabko, white coat pehenkar’

Apna sthet uske kanon mein lagate hi, uski aankhein chamak aayi,

Pehle saans aur phir usko manine uski dhadkan sunayi.

Khilkhilati priya, apne maa ke paas aayi,

‘me pan atta doctor zhale aayi’

bhar aayi uski maa ki aankhein, who phoole na samayi,

bhook, pyas, daant bhoolkar, ab main bhi muskurayi.

Syringe aur form lekar sister boli

‘dr bhejna hai aaj priya ka khoon’

nasoor chuba mere dil par,

meri galti ki saza bhukte gi yeh masoom.

Chulbuli hast khelti priya,thi ek itp ki case,

Spontaneous bleeding episodes se khel rahi thi who maut ki race.

Uske platelet count ke liye bheja maine sample plain,

Clot hua tha sample poora, har boond gayi in vain!

Bole the sir subah mujhe ‘imagine being in her place

All new interns are morons, abig disgrace!’

Edta aur gloves rakhein the ek saath,

Rone lagi priya ab, dekh kar injection mere haath.

Dus logon ne thama tha cheekhti chillati priya ko,

Sui choobhne wali thi mujhe seedha dil ko, mann ko.

Hazaar baar prick kiye uske haathon mein, mushkil se mili ek vein.

Lakhon suiyan lagi mujhe mehsoos kar rahi thi main uski pain.

Requisition form bhar kar sample diya maine sister ke haath,

Priya se mafi mangkar, maine karni chahi priya se baat.

Rooth kar baithi thi priya mujhse, ro kart hi behaal.

Mere mann mein uth rahe the anginat sawal.

Mere sare credentials, mere who medals gold,

Kya kabhi chuka payenge, iss masoom ke aansoonon ka mol?

Kaash hod sir daant ki jagah, de dete mujhe faasi,

Chain se le pati main aakhri saans, khushi hoti zarasi.

Meri galti ki saza, mili iss nanhi jaan ko,

Gir gayi main apni aankhon mein, thes lagi mere iman ko.

Poonch kar apne aansoon, priya ne

Announce kiya apna plan of action,

‘doctor banke main sabse pehle lagaoongi,iss didi ko injection,

badi sui lagakar, nikaloongi did ka khoon,

royegi did bhi meri tarahsoon soon’

tabhi ward mein ek hasin ke leher chayi,

phirse priya khilkhilakar muskurayi,

use gale lagakar, di maine ek jadoo ki jhappi,

uss masoom ne maaf kiya mujhe, dekar ek pyar bhari pappi.

Mera sthet lagakar, kar rahi thi priya,apne gudiyon ki jaanch,

Pooch rahi thi main apne aap se, kar paungi main khud ko maaf???????

gandhi baas!

Surgical ward mein tha mera pehla din,

Massive dressing wale patient bache the teen,

Mujhe allot kiya gaya tha bed no. saat,

Chal padi main tray lekar apne haath.

64yrs ke patient the woh, ramji tha unka naam,

peechle 4 mahinon se bed no. 7 hi tha unka dhaam.

Gher liya tha unko ek gandi baas ne,

Ladne lagi ab main bhi apni, hare k saans se.

Pattiyon se dhak gaya tha unka daya pair,

Dressing karma mushkil tha mask bagair.

Main boli ‘sister, lend me a surgical mask,

Its impossible to continue this difficult task’

Pattiyon mein dhaki thi, zehrili baat kuch aisi,

Blood aur slough mein soaked dressing ke peeche se jhaank rahi thi malignancy.

Sq. cell carcinoma ne laga rakha tha apna dera,

Disseminated metastasis ne unke har aang ko tha ghera.

Mere har sparsh se dard hota unko bada zor,

Lekin cancer cachexia ke karan macha nahi paye who shor,

Spontaneously woh tumour karne lagta bleed,

Its rightly said, carcinoma was highly vascular indeed.

Inke liye zaroori tha palliative amputation,

Paison ki tangi ki wajah se, nahi kiya unhone operation.

Sari bandages nikal kar, dali maine nayi dressing,

Ab khul ke saans le rahi thi main. Kam ho gayi meri suffering.

Ramji bole ‘3 din ke baad mera dressing karma,

Waise bhi ab mujhe ek na ek din hai marna,

Kya pata do dinon mein main pahunchu bhagwan ke ghar,

Gandi baas banker baitha hoon, boj hoon tum sab par.

Najane kyun upar wala badha raha tha meri saanse,

Koi nahi aaya milne mujhe peechle 4 mahinon se,

Daya aati ho mujhpar beta, toh dena mujhe marne ka injection,

Na rehegi yeh gandi baas meri, na rahegi dressing ki tension!’

Bhar aayi aankhein meri, sunkar unki yeh baat,

Phenk diya maine mask mera, used dressing ke saath,

Sharam aa rahi thi mujhe, pehen kar yeh white apron aur steth,

Treatment na sahi, de sakte the hum unhe ek respectable death.

Unka saamna na kar payi main, meri bolti hui bandh,

Doobte sooraj ko dekh rahe the ramji, dekh rahe the zindagi ka darpan!!!!!!!!!!!!!!!!

woh bimari!

Baithi thi main khursi par, pachas patients se ghiri,

Na fan, na light, aur woh marne wali may ki garmi.

Injection deti meri ek fren bata rahi thi mera haat,

Aane wale har patient ko chahiye thi sui, na sunate woh hamari baat.

Teesri intern andar laga rahi thi i. v. line,

Un patients ke liye tha who amrit saman, ‘SALINE DIVINE’

Baki bache 7 intern ko bheja tha field visit par,

Unke saath gaye the hamare PHC ke medical officer.

Jaise waqt beet raha tha, badh rahi thi patients ki line,

Monday subah ki OPD thi woh, na saans lene ka time.

‘CHIKANGUNYA’ ke epidemic ki, chedi thi gaon mein khabar,

har ek bandha aya tha wahan usika patient bankar.

‘kya taklif hai bhaiyya?’ poocha maine, ponch kar apna paseena,

‘haat pair hain dukhte, sar kamar aur seena,

bohot dard hota hai , hua hai mujhe chikangunya,

dard mitane ki goli nahi chahiye,

iss baar aap saline ya injection lagwana’

main boli ‘dard ki goli kafi hai, nahi chahiye saline ya sui,

aaram karne se kam ho jayega, nahi hai tumhe aisi koi bimari’

nahi mani usne meri baat, lagwana hi pada use injection,

sabko samjhana tha bus ke bahar, unki hami bharna hi tha solution.

Ab pachheesvi patient ko dekh rahi thi main, bus wohi ek complaint,

Chid toh bohot ho rahi thi mujhe, lekin rehna tha cool aur sane.

Needles wahan ke nahi the disposable, karte the hum unhe boiler mein sterlise,

AIDS , hepatitis tha wahan prevalent,

How could we risk so many lives?

Sun rahi thi main usi complaint ko, ab painteesvi baar,

Oob chuke the hum teenon, sui lagwane se kiya humne saaf inkar.

Ghussa ho gaye sab gaonwale, machane lage shor,

‘hum garib hain, nahi dete paise, isliye yeh doctor karte hain hum par zor,

panchayat bithwayenge hum, nahi chodenge inko aise

private aspatal mein sui aur saline ke liye lagte yeh bohot paise.

Goli dekar bhagarahe hain humein, kyunki hain yeh aspatal free,

Hoti nahi akal aurat zaat ko, baat samaj aati, tha agar koi aadmi.’

Bebas aur majboor the hum teenon, taak rahe the ek doosre ka chehra,

Ghusse se laal the gaonwale, hamare charon aur lagaya tha pehra.

Na medical officer, na koi pg, nahi sehen hua humse yeh tension,

Maafi mangkar sabhi se humne, lagatar kiye inac injection.

Doctor banane ke liye, woh sade chaar salon ka parishram,

Kitaboon mein bandh uss medicine ko, aaj bhool chuke the hum.

Viva, practicals, case presentations, aur woh mehnati padhai,

Kamzor pada tha aaj knowledge hamara, na bhid paye hum usoolon ki ladai.

Kabhi zindagi mein nahi hua mujhe , ladki hone ka gum,

Meri society mein sabhi the samaan, na koi zyada na kum.

Aurat waali baat sunkar, uljhan mein tha mann,

Ladke saare the doctor, sister hi kyun kehlate hum?

Yeh gaonwale bimar zaroor the, lekin nahi thi unko koi sharirik peeda,

Dava nahi mita saki, dimaga mein rengta hua ‘ignorance’ aur ‘illiteracy’ ka kida.

Humne bohot ki koshish, ki bohot counseling,

Bilkul nahi hua unpar koi asar, badhi toh bus hamari suffering.

Kaash hamari kitabon mein hota, ignorance ka treatment option,

Hasin khushi lagwate hum, hare ek ko usi ke saline aur injection.

Lekin afsos aisi treatment ka nahi hai kahin bhi mention,

Ek patient bhi samjhe hamari baat ko, to banta hai woh divine suggestion!!!!